小蝸居 - Day 41 (水電)

今日上去睇,未入門口第一睇就看到門口的門鈴按鈕沒有了,新的電箱也安好了,而且去水渠也做好了,之前廁所有三個洞呢(是指打穿外牆的),現在都填好了,原來是去水渠用的呢...(不過如果唔係因為最後決定要換窗,所以搭了棚,去水位可能又唔會係咁整的了,下次問下師傅如果唔換窗的話去水位係會點整先)

沒有了門鐘

新電箱的位置

廚房去水渠

閱讀內容...

隱藏內容...

小蝸居 - Day 40 (水電)

一如所料,電係未做好的呢,雖然大部份的坑也弄好了,我估還要弄多2天左右吧..

電視櫃後的蘇位

閱讀內容...

隱藏內容...

小蝸居 - Day 39 (水電)

星期日,不開工,所以就可以趁早上有光之下上去影下相,因為現在d電線咁樣吊下吊下咁,安全情況下每一晚夜晚上去我都冇開燈呢...

聞說9號會完晒d水電,但看來應該唔得了,因為我見好多位的電制位都未ready,連個電箱也未搬,一天好似做不了那麼多的東西.....errr...

打了坑,做了些就電制位

廚房位

廁所來水位

新門鈴的位置,唔知係之前太黑冇留意還是星期六師傅上去蛹番

閱讀內容...

隱藏內容...

小蝸居 - Day 38 (買磚)

其實在新年過後的的第一個星期六也去了看過一次磚,抄下一些號碼,不過因為當日只是我一個人去看,而且也未有所需要的尺寸,所以當時也只是去看看,八卦一下而已..

由於一個人去看的關係,所以也沒有出去旺角,只是到了元朗走一轉,因為那裡有一間口碑不錯的磚店,那就先嘗試去看一看人稱discuss 磚王的舖,不過由於磚王的正店是在內街的關係,所以其實不算易找的,倒是他新開賣歐洲款的那間就在大馬路,比較容易找到,我也是先找到這間,但其實原店同歐洲款的一間也只是差1分鐘左右的路程,轉一個角就能找到的.

這個星期因為太太是短週的關係,而且也差不多是時候要預備磚給師傅了,所以就再一次和太太一同去多一次睇,由於之前去好多木門店都未開,所以今次先看一齊睇左d木門先,房門其實幾百元也可以有一隻,不過當加上門框, 立刻就貴了很多呢...門框比門還要貴...不過由於木的尺寸要之後先有,所以今次都係八卦一下d門款同價錢..

睇左一陣門,就去到今次行程的主角 - 地磚,睇左幾件木蚊磚最後太太的選擇是第一次沒有抄下的顏色,不過其實第一次都有問這個的,不過就唔係好記得點解冇抄低了...

廳及房選擇了這款木蚊磚,放左黑色老鼠襯一下d色

浴室的磚選擇了第一次有抄下來的一款,而且也是在第一次抄下來中最平,可以慳少少

浴室將會用這一款

廚房是簡單一點用上純白色的,因為磚王show左d成品相出來,廚房d色彩用櫃等其他物件帶出來會效果會比較好,也會較耐看,把重點放在廚櫃會比放在磚好,所以我地簡簡單單買上白色磚就可以了...

不過因為師傅還沒有俾全屋尺寸我,所以雖然定下了款色也未有立刻的下單,於是在等尺寸的期間,我地就再四週走走,結果在一間清貨中的philips燈店,用半價的價錢買了盏陳列品放在阿B房,雖說是陳列品,但看上去也是很新的呢,回家清潔一下,應該就可以用的了.半價可是比淘寶還要平呢,而且又不用怕淘了件假貨回來,反正燈正常來說是很難壞的吧!

半價就買了這個

買左燈再行多一陣就收到師傅whatsapp過來尺寸,可以回去訂磚,最後全屋買磚用左差唔多4萬蚊, 是有點out-budget 了,但靚一點住上來也會舒服一點,而且間屋點都會住上一段時間,除番每一年都唔係好貴..哈!

閱讀內容...

隱藏內容...

小蝸居 - Day 37 (水電+搭棚)

無錯,的確係第37天,經過左一個悠長的新年假期後,師傅們終於又開工了,這個假期真係悠長得有點過份 =.=!

其實昨天我見到搬左d材料上去,不過就仲未開始做電同水,今日放工經過樓下一望就見到單位已經俾棚架所包圍了,晚一點再上去睇.終於間屋又有一點進展..

棚架搭好了,唔知道幾時開始會換窗呢

全屋也被棚架所包圍了

因要做櫃間牆,電箱位將要搬

開始做新的水管

為打坑做準備

閱讀內容...

隱藏內容...