新聞反思

今曰睇報紙,除了最近那些正pk 的司機(吸毒已經有問題,你仲要之後去渣車,這些完全應該要重罰), 醉駕車死人比騙人發生性行為罰得還要少,真係吹脹晒,這個是什麼的法律!?!?

真正最令我驚訝的是竟然有公屋以178萬成交,冇錯,我冇打錯金額,也沒有打錯屋的類型,那種政府起來給低收入人仕居住,後來有部份樓齡的公屋以一個相對平的價錢賣給租客,現在那類樓係同一個細小的私人樓差唔多價,我真係冇言了....

當政府一路話80後的人有點唔現實,買樓係睇有冇會所之類時,請問一間二手的公屋,什麼會所也沒有,也要178萬成交,教人可以點呢?當然這一間可以說是一個異數,但難保將來不會再出現另一間,甚至更高價的公屋單位,如果連二手公屋都升到咁,現在好像根本唔係有冇會所的問題,而係樓價已經開始唔係由用家去決定,慢慢地變了由炒家去決定,很有97年的味道,政府常說樓價還未到97年般,但97年的樓價根本就已經唔理性,你不停咁用現在的價去同一個唔理性的價去比??難道要再一次到達這種不理性時才出手?

我所希望住的地方,還在建中,但以現在的樓價速度,恐怕開售時已經會到達一個我不能負擔的地步,或者我應該現實一點,可惜兩年前樓價不是很炙熱的時候,我根本沒有什麼買樓的需要,到現在有了,要留意時,樓價已經和兩年前不可比了,但我可動用的錢,因為金融海潚的關係,現在還未能回復到兩年前的水平,真係只能輕嘆...@@

閱讀內容...

隱藏內容...

改template

之前用開s9y, 改template 係一件好易的事情,因為所有野都係db 來做,從來沒有因為改一個template 而冇左d widget..


但轉了用blogspot 之後,因為每一次改template 佢都會把所有的widget 重新set 一次,要改template真係一件好花時間的事情,所以一路都冇乜點玩,但係最近再一次試下時,發現了佢有得keep widget...wah..這個真係天大的喜訊wor...咁可以真係可以開始試一下換下新template wor...雖然改template你都係要試下d css, 但最少唔使set 過晒所有widget 已經方便好多了...

或許不久的將來這裡就會有新的一個版面吧..:)

閱讀內容...

隱藏內容...

踏出第一步

昨天,終於為那個多年來也在每年目標的事情踏出了第一步(正確來說是第二步吧,因為第一步係前年配眼鏡,所以報學車應該算是第二步...)

之前也問過一下別人有什麼師父好,但由於出好找師父都係好睇彩數,而且好似又找不到一個好的,所以我最後都係選擇了香港駕駛學院,報名的當日係佢地搬舖前的最後一天,所以佢話有d什麼優惠...mmm..雖然我覺得就是佢地唔係搬舖都應該有什麼優惠的, 不過反正佢提供的優惠又真係好似幾抵咁,咁都係take 左佢la..雖然因為是優惠plan,所以考試時係一次過,沒有分開二次,但我想我學的自動波私家車對於我來說應該還可以吧...希望可以一次順順利利就pass la...

那筆學費又是一個分期,又要供一年了,這一年好像好多野都要分期添,希望今年可以有人工的調整同有bouns 幫補一下就好了,不知道要等多幾時才會知道有還是沒有呢..

閱讀內容...

隱藏內容...

塞車

這已經不知是第幾多次,往往在趕時間時塞車,真係吹脹,平時屯門公路塞都算,今次竟然係往中環時塞,那間30X, 已經唔係快的了,仲要塞一塞,用左我差唔多一個鐘先去到中環,再由中環坐地鐵,去到葵芳竟然仲要比如果我坐公司車去南昌,再轉地鐵,真係吹脹,最衰係,現在俾多了錢自己坐車,但又唔係快左wor...點解次次趕時間時都會咁黑仔,塞下車...@@

閱讀內容...

隱藏內容...

backup 工作

早兩天,因為為了把女友舊harddisk 中的東西backup 出來,所以打開了那個也有差不多兩年沒有打開的機箱,出乎意料地入面竟然比想像中乾淨!?!? 底板,cpu, display card 都沒有太多的塵...

估唔到這個都不知有多少了歷史的HD開行到(以容量大少來估計,那有十年吧 =.=?),所以都能順利把東西backup 到我的電腦中,雖然開箱的工程不少..

看到底板上吉出來的兩條ram slot, 又有一點加ram 的衝動,雖然最近的ram 價回升了,但相比起從前還是平好多,不過我又覺得2G 我都夠用,所以都係算了吧,留侍下次換機時才上吧,畢竟現在電腦的壽命比從前的長了很多,從前過了兩年,你就會覺得部機比較慢,但現在我想應該我可以用多部機太約兩年才買部新的吧,最近政府在研徵電子產品回收費,當然這種費用我相信無論如何最終都係轉到消費者身上,不過我想如果因為有了這之後,電子產品是集中地處理總比胡亂地棄置好,由期是現在的電子產品這麼的多,如果可以減少一下更換東西所造成的電子垃圾都不常不是一件壞事, 不過唔知又要等到幾時才會落實呢?

閱讀內容...

隱藏內容...