2010回顧

時間過得真係快,一轉眼又到了年尾了,年頭好像才在昨天的事一樣,本著小弟一路的優良( :p )傳統,又係時間寫下2010年的總結..


1. 考車牌(又係這個,今年希望係最後一次寫在目標list上)
寫了多年的目標,終於去學了,可惜...第一次考肥了.. T_T, 九月九日作出第二次沖擊,希望到時成功吧!!
終於成功了,這個放了在目標上很久的東西,終於在2010年9月9日 - 大成功!!

2. 好好收拾一下間房...好似又到左一個要睇下係咪有d舊野應該把它們從房間中消失的時候,定在新年前吧!
這個呢,房間好像依舊的亂,這個要係長期抗戰先得...
mmm...還是如此明年努力吧

3. 繼續一年一的目標,雖然今年我覺得可能會有點難道..~.~
這個應該可以宣告失敗的目標, 當我預見到我最高信用額的那張信用咭,接近所有信用額都hold起了作為分期的支出,我仲可以認為自己有能力去儲到一大筆錢去買它嗎?
2010年的下半季可以說是連續6個月的出現赤字...x_x

4. 雖然我也有記下每月支出的習慣,但都係得過記字,係時候好好去看看有什麼開支是可以減去的了
唉,如果不是五月有bouns,5月那一期數我是用突了,所以我會把它看成為使多左,七月我也預計到是一個赤字月,換句話說,這七個月,我有4個月是入不敷支的,雖然有部份是因為一些非經常性支取所導致,如學車,俾訂,交稅等,但在將來的日子,由於有大量的分期數要找,出現赤字月的可能性可能會大大提高,其實我仲有什麼經常性支出可以減去!?
同上

5. 再少多一包米吧...
這個如果以同去年同期來比,算是完成左一半,隨著買左nikeplus的動力下,應該在年尾可以達到,或者有機會超額地完成..
失敗了,應該計落只是完成了一半,也許下半年懶了,明年再努力吧!

星級目標:最重要的都係同你開心過每一天呢!!
雖然偶然會有激親妳,但總算還可以吧
星級目標算是成功了吧 :)

總括而言,2010年也許是人生的進步點,因為在事業上,人生上也踏前了一步,明年會是一個很忙的一年,所以要加油了!!

閱讀內容...

隱藏內容...

i908的QC

唉,真係估唔到Samsung 部i908的QC係做得咁差,本來之前發現部機的右手邊總係唔係好touch 到咁,所以就試校正螢幕la,不過次次佢個會loop 住出唔番來咁,不停咁係個五點都校,開頭以為係d application 校都個os 傻傻地,所以就試一次回復原廠設定再來吧....

就係咁就出事了,佢又係卡了在校正螢幕的一part....還好上網找到別人教原來可以把這一部份skip 了的

方法就是把一個建立一個welcome.not的檔案把它放在記憶卡的最上層再開機,這樣就可以避開了那過不了的校正螢幕了

終於部機總算可以開得番,可以用住先,因為咁樣上網search 一search就發現原來很多人也有還到這樣的毛病,而且很多也是在用了一多年後出現,好像原因是個touch panel 同個screen 痴住了,真係吹脹,要換過一塊touch panel 先得,但係問題係咁樣整一整要幾百蚊呢,對於我心動想遲些上iphone 的我來說,好似俾幾百塊整一整又唔係咁抵咁,反正現在部電話又開到用得番,我都係選擇頂住先了吧,用到真係完全唔work 才換機吧....

閱讀內容...

隱藏內容...

第五冠 - FIFA Club World Cup

終於國米的09/10年球季算是一個完滿的結束了,成為了五冠王當然一切也要多謝摩帥,真的是他改變了整支國米, 不過可惜的是他走了,如果他還在也許國米會是巴塞後另一支六冠王...

Image from http://www.inter.it/

本賽季到目前的情況真係慘不忍睹,真係希望主席大人回復當年的性格一下,冇錯一下好了... :p

閱讀內容...

隱藏內容...

My Mac look desktop

早幾日在無聊之下試玩了一下那個Snow Transformation Pack把我的windows 7 化身成為了一個Mac 的interface,很舊以前也有玩過這類化身mac 的software,但效果都不算太好,因為總是有一點點慢吧,不過這次這個用上來又幾smooth wor... :P

閱讀內容...

隱藏內容...

P牌加鐘第二堂

星期六剛完成了第二次的練車,今次係上大帽山...

上次是由屯門公路回程,所以今次就選擇了從屯門公路出去筌灣,到了荃灣就上大帽山了...又斜又多彎的路,加上架車的馬力不太,所以走上來速度也不會太快,所以往往都要走進避車處讓後面的車先經過, 感覺上這路當然比公路難走,但其實又唔係真係咁難, 都應付得來 :)

回程時,由於都仲有點時間所以就練習了一下L字位的泊車方法,感覺上不算難,因為雖然只試了兩次,但第二次已經算得成功了,是第一之時第一軑太快了,所以要向前番好多次先泊到...:p 不過最重要係...因為現在唔係考試, 我可以再把車向前後再慢慢的泊...感覺上是沒有什麼壓力呢,最重要是不要撞到別人的車就可以了 :)

總括而言,今次的練車感覺不錯 :)

閱讀內容...

隱藏內容...