小米行車記錄儀 - 效果片

之前購入的小米行車記錄器的錄像效果：

白天的效果

晚上的效果

閱讀內容...

隱藏內容...

P牌加鐘第五堂

終於來到最後一堂了,等這間Benz 真係等得好耐,終於在離個P牌仲有餘下一個月的時間下駕駛了間benz一轉....

是次所走的路線是和第二堂的一樣,不過今次換上benz同上次的感覺真係好唔同,上次上山時係要把油門踏到最盡,而且間車都唔係好去呢,但係今次大馬力的,踏少少就可以了,而且在公路上也是很定的..:)

仲有一個月左右就可以換一個正式的牌了,時間真係過得快,話咁快咁就又一年了....

閱讀內容...

隱藏內容...

P牌加鐘第四堂

上一次本來是應該是駕架七人車的,不過後來因為架2000cc 在學院,所以就先駕駛了它,今次終於來到駕駛架七人車了...

由於上年度帶下來的年假要在六月前清掉,所以就在順便清假的情況下把上堂的時間放在平日進行.

由於駕駛開始漸漸地好了,所以今次走了一程比較遠的路程,就是由去了西頁走了一轉,出去的一程是走西沙公路,路比較窄,對這些路面比較窄的地段真係要習慣一下,不要因為對面的行車而受影響先得.

回來的一程也比較特別,因為今次唔係正接駛返去元朗,而係係駛回家樓下呢.

閱讀內容...

隱藏內容...

P牌加鐘第三堂

終於經過了其個月後,剛過去的星期天又再一次加鐘上練下車,原定今次是試下7人車的,不過最後是練了一架2000cc的,大cc的車感覺上果然好好多 :)

這一次,這一架車除了馬力比之前的大之外,還有一點就是它的手製不是在左手邊的,而是要用左腳踏的,這對於第一次駕一架用腳來落手製是有一點不習慣,不過其實手製也不是常常要用的東西,所以其實用腳來踏也是ok的(除了考車同學車是次次停車都會拉手製之外,真係駕車時又真係冇乜機會用,當然在斜路時可能有機會要用得密一點)

今次之旅是去旺角走了一轉,不過路程中也有驚險的地方,因為在我出屯門公路時,本來我是走在慢線的,但唔知做乜事在中線是的輕型貨車突然把車i向我那邊,導致我要減速(注意當時這貨車後面是有一架鐡騎的),但係間貨車又冇過線之後又走回中線...而這時最精彩的事發生了,鐡騎轉去快線想過這輕型貨車時....這輕型貨車又i向快線...之後唔使講,這警車當然係閃燈之後要這輕型貨車駛去一邊停車吧!不知這司機最後的結果是如何呢!在直路上行車,也駛到左搖右擺,似乎是有點問題!

走到旺角,又因為錯過了一次轉線的機會,而導致繞了一個大圈...足足要去到油麻地又能轉回去彌敦道,明明就在附近的地方,但就是每一個燈口也不能左轉,真係灰..!!

閱讀內容...

隱藏內容...

P牌加鐘第二堂

星期六剛完成了第二次的練車,今次係上大帽山...

上次是由屯門公路回程,所以今次就選擇了從屯門公路出去筌灣,到了荃灣就上大帽山了...又斜又多彎的路,加上架車的馬力不太,所以走上來速度也不會太快,所以往往都要走進避車處讓後面的車先經過, 感覺上這路當然比公路難走,但其實又唔係真係咁難, 都應付得來 :)

回程時,由於都仲有點時間所以就練習了一下L字位的泊車方法,感覺上不算難,因為雖然只試了兩次,但第二次已經算得成功了,是第一之時第一軑太快了,所以要向前番好多次先泊到...:p 不過最重要係...因為現在唔係考試, 我可以再把車向前後再慢慢的泊...感覺上是沒有什麼壓力呢,最重要是不要撞到別人的車就可以了 :)

總括而言,今次的練車感覺不錯 :)

閱讀內容...

隱藏內容...

P牌加鐘第一堂

剛剛過了的星期六,係攞左個P牌2個月後,終於上左第一堂的駕駛練習課,這個課程的重點係俾你多一點路面的經驗,因為係學院真係好多野都係為了應付考試而設的,缺少了一點真實的路面經驗,所以我都係選擇了加堂作為練習....

第一堂由元朗出發,往上水,再到大埔經吐露港公路再到沙田,再由沙田經昂船洲大穚,再經汀九返回屯門公路去深井就一轉,最後經屯門再到回到元朗,可以說走了大半個新界呢....其中有走高速公路有隧道的路段..

由於已經由學牌升至P的關係,所以相對應的車速也提高了,最少是多了20km/h,由於高速了,所以有時少少的軑盤不穩就好易導致了架車偏向了一邊,還好因為終於有師父在旁,所以也不會導致你架車過晒線才會發現,雖然只係得一兩次如此的情況,不過都一定要盡快改善先得,希望在下幾次就可以完全改善到,如果唔係咁樣在路面上其實也很危險的 ...T_T!

第一次P牌的駕駛可以說感覺良好吧!

閱讀內容...

隱藏內容...

P牌入手

昨天終於上了運輸署出左個P牌了,一年後,只要平平安安就可以正式換上十年期的牌吧! :)

出了牌就可以正式的在路上行車,不過我唔知可以去邊到可以找到個P字等我得閒可以借車渣添..=.=! 要上網八下先得 :p

閱讀內容...

隱藏內容...

學神之終章

引擎關掉的一刻,考試終於結束了,在離開車箱的一刻,其實我都唔知自己今次得唔得,因為今次實在來得比上一次考時驚險....

今朝一早,去到練習泊位掉頭時都一切順利,由於時間的關係,所以只能隨意在四條路線中選一條出來,而我就選擇了走一走水邊圍,但估唔到這正正就是我考的路線了呢!回到院校,再練多一次泊位同掉頭,這時出事了,泊位竟然第一次太快,第二次停車時軑唔係直,所以一開始倒後時車的位置錯了,第三次才算成功了,到掉頭,第一手又死左...=.=!, 還好在未正式的考,如果唔係真係玩完了...

到正式考時,在泊位時,一路泊一路發覺間車有點右了,是太早回軑了,最後搞到考官要下車睇睇位,真係有點險,其實當時我都唔知得唔得,之後只好繼續考..

掉頭,由於有了上次失敗,再加上最後練習的失敗,所以今次我把車早停多了,當第一手停下來時,我望一望考官,因為怕他又要下車看一看,不過好在今次他叫我繼續的考,第二手又是帶有少少驚險吧,因為我好像早了少少就回軑,所以停車時車不是直的,太約有2-3度的偏差吧,在第三手時,考官還把頭抽出車外看一看會唔會撞...真係嚇死我..=.=!

斜路泊車不算太問題,所以就到出街了,其實我由於當時我都唔知好知第一part ok 唔ok ,因為泊車的險,所以在行車時有d位我就分了一點心,由其有一個燈位,差一點就在那位失手了,當時我的思想真的遊走了,在還餘未夠兩架車位時,燈轉黃了,而之前我是未開始減速的,這個急停,我其實以為我已經pk了,所以在餘下的路程我只好提好精神唔好再亂諗!!

回到院校,下車時,其實我是本著今次都可以又炒了的心情再等成績的,當叫我過去攞成績時,看到那兩個在合格間上的橫線,真係放下心頭大石,因為畢竟再考多一次好貴...@@

終於這一個說了多年的目標,今天完成了,等多7個工作天就可以去換個P牌了 :p

閱讀內容...

隱藏內容...

學神再啟動

由於上次考車任務失敗,所以新的一次考車任務安排到9月9才進行,就在剛剛過去的週六,及週日補上了六堂的補鐘...

再一之坐上司機位,再一次重複要考的東西,不知是唔是太耐真係冇練習過,對上一次很有把握的泊位,今次竟然會在合格的邊緣... =.=, 雖然經過兩日的再練習情況好了很多,但由於9月9日朝時其實冇乜時間再practice 泊位,所以只好希望到時能夠一切順利吧..

上次失手了的掉頭,今次不敢拿太盡,同記身體沒有向前來睇位,所以反而次次都成功,希望到時沒有什麼失誤吧!!

斜路泊車,沒有什麼的問題...

至於到路試方面,應該沒有什麼問題吧,雖然我都仲係未係好知上次係邊幾個彎死了..=.=!,但最少這兩天轉彎的感覺良好,只要好好地控制好車速應該不成什麼問題吧!!

希望再考一切都順利吧!!

閱讀內容...

隱藏內容...

肥左...=.=

今日係第一次考牌的日子,本來場內練習時一切都冇問題的,就算係出面都算正常...

但當到了考時,我竟然又係衰左係三手軚中的第一手...唔知係咪因為自己坐前了,所以睇位錯了 ..=.=, 本來我不應該貪多少少位的,就係個少少位...@@

雖然明知中期試fail了,但本來諗住保侍冷靜去到路試盡量不要出錯,但最後都係失敗了,本來我以為路試也許會成功的,但竟然在死在轉彎位置不正確及盤控制不當,阿sir 話它們是一對的,所以死其中一樣,另一樣都會死...

其實我真係到現在我都未諗起是那一個彎轉錯了...唉....想不起錯在那裏唔通係錯左都唔知咁Pk...@@

不過唔衰都衰左,咁只好希望下一次再考時順利吧,不過下一個考期竟然要排要九月,相隔咁多個月真係有d怕到時會生疏了,有更多的錯誤...

閱讀內容...

隱藏內容...

學神的第十七及第十八堂

今天是考前的一天,為了準備明天考試,所以特別地安排了兩堂在早一天上,連續兩日的練習可以增加感覺ma...

是日路面上的應變比上一次的亂來得好得多,不過今次算係第一次在平日走在那一段路面,真係比假日多左好多車泊在路邊,好在今日習慣了一下,如果唔係明天可能沒有足夠的心理準備呢!

不過估唔到的是,路面ok了反而在最後一次的三手軑掉頭時,第一手就衰了...=.=!! 明天真係唔可以有d咁的錯先得,要用下平常心來應付,我諗會好一點吧!!

回程時看一看電話,看到一個未接來電,心信不會是送貨來吧,因為之前在訂了些東西,計算左等我在這兩天的假期送到我家,想不到會係咁早就送來,果然回到家就看到一個大包裹!!

閱讀內容...

隱藏內容...

學神的第十五及第十六堂

原本星期日的堂改了星期六上,時間不變,但不知係咪星期六的關係,定係因為慢慢接近考期,第一下出外走時竟然出現了很多的錯誤...=.=!

還餘下4堂,希望到考時唔好咁亂吧!!

閱讀內容...

隱藏內容...

學神的第十三及第十四堂

唔經唔覺咁就去左十三,十四堂了...

如果是原本的plan,這樣就只餘下一堂了,不過由於我後來加多了五堂,所以現在就仲有六堂可以上,基本上現在阿sir 都好少再提出什麼大的問題,佢話咁係正常的,因為這代表你在駕駛中已經少了錯誤..

感覺上每一次的駕駛感覺都比上一次良好,現在轉彎的感覺都ok了,還有六堂的練習要加油先得...

閱讀內容...

隱藏內容...

學神的理論課

今日由於本身拿了AL,所以就順便去上理論的4,7堂,不過估唔到的是今日的堂竟然得我一個人上..@@,變成了一堂一對一的課程呢... :p

閱讀內容...

隱藏內容...

學神的第十一及第十二堂

星期日的第十一及十二堂真係非常之早,930就上了,星期天要一早起身真係有點唔慣..

是日的兩堂先練習一次泊位加掉頭再上斜就外出了,今次泊位時竟然又有少少錯...就是前輪差了少少...ar....真係每次都有d新野錯添....@@

之後就出外了,今次四條考試道都走了最少一次, 感覺上有些地方開始認得了,而且轉彎也轉得好了,停車的控制也進步了不少, 慢慢的調整一下狀態, 希望到時應付得來吧!!

閱讀內容...

隱藏內容...

學神的第九及第十堂

一轉眼,就學左十堂車,仲有一半的時間就要考了,真係要努力一點!

今日走了另外的兩條考試路,宏業東街及元朗邨線,路線來說,這兩條比上次走的兩條來得短一點,但轉彎及過線的地方多了,不知到時會是什麼的路線,在餘下的堂數要好好習慣一下各路線先得了....

今日泊位算是過關了,但反而在3手掉頭的第二手留錯了位...@@,每一次總有些古怪的失誤,不過都好,現在有晒d失誤,考時可能先會好成功呢!!

閱讀內容...

隱藏內容...

學神的第七及第八堂

星期六本星期的兩堂走出了走了考試的道路兩次,工業區同水邊圍,轉彎的情況好左d,但都係要有侍改善,腳制的力度都係有侍改善, 停車有時停得太近前車..轉彎有時的速度都係過高..=.=

餘下十二堂,要加把勁先得...@@

閱讀內容...

隱藏內容...

學神的第五及第六堂

星期日的早上,又是在隔了兩週後的學車時間..

今日又係先由溫習上斜停車,開車再加上泊位開始,今次的泊位表演竟然神奇地理想,竟然每一次都泊位成功,一星期的腦海溫習總算有點成績,之後再開始教三手調頭,果然一如之前,剛剛上手有點難,好多時唔記得左要打那一邊的燈,但好在調左幾次頭都只係得一次失手了,應該多加練習,再加上考時唔好咁緊張的話,這一part 應該不成問題...

到了第六堂,就正式駛出路面,走出路面和校內轉圈又有些不同,因為多了很多不明的因素,如行人及阻礙物(路邊的泊車), 路面的經驗有代改善,由於在校內都是以一個非常慢的速度轉彎,走左馬路上的感覺是真的很不同,而且當走出外面後,如何keep 住平均車速又是另一種要習慣的地方...

第一次駛出馬路,由元朗走訪了天水圍一轉,嘗試了70公里的速度感,路面的駕駛感覺要靠餘下的14堂來加強才行..!!努力!!

閱讀內容...

隱藏內容...

學神的第三及第四堂

今日上了第三及第四堂的駕駛課程...

先轉了幾圈後,便練習了一下上次所學的斜路停車及開車,雖然離上一次學車的時間已經隔了兩個星期,但好在d步驟都仲記得,斜路的表現應該是ok的,所以那一part應該會合格...

我想太約是有兩星期之差,所以今日開頭的轉彎都唔係彎得咁好,希望之後會改善,不過間車偏向一邊的情況今日就好左....

練習一陣,就開始了新野:S型泊位,這個真係要多加練習先得,現在我的車速總是太快,所以總是泊得不好,要多d練習控制車速先得 =.=

閱讀內容...

隱藏內容...

學神第一步

今日終於上左第一堂駕駛課...

其實每一次的駕駛課堂都是兩節一起上的,所以其實今天是上了第一同第二堂,第一堂比較簡單,因為主要都是由師父講下架車d panel ar..點樣教seat位,教倒後鏡,同講下開車,停車,倒車的步驟後,試了幾次咁就第一節完了....

第二節主要都係熟習一下起步,停車,轉彎咁, 不停咁順著個駕駛場咁轉,由於都開始掌,所以都試了幾次上斜停車同落斜咁,是比預定的時間快了少少,因為原本上斜是在第三堂才教的...

第一次開車,都係唔係好習慣轉彎,有時都ok, 幾時開始轉都開始掌握到,但回軑就有時慢了有時快了,mm..真係要多練習先得,不過主要的問題都係架車比較偏右咁行,不過這個好似係所有新手的通病,希望將來會多能改善吧...

閱讀內容...

隱藏內容...