小蝸居 - 網絡 (下)

由於打完都係上唔到的關係,上網求救後,我還需要個RJ45 tester 來測試一下條入牆線, 雖然一條新線應該唔會咁好彩入面斷了, 但因為裝修中間總遇到很多古怪的問題, 我真係怕超黑咁條線真係死左,所以問了大學同學借了一大批工具來,包括打線刀,RJ45 tester, cat5e 線, 拉線器, 萬一真係咁黑,都有backup

朋友順豐了工具過來,第一次試,發覺有些燈著有些著唔著,真係以為是條線中間死了,不過好彩唔信邪咁用把打線刀再打多一次, 今次本來唔著的燈著了,但之後著的又熄左...=.=, 雖然係咁,但最少的是,條線不是中間死了,只是個骰打得唔係咁好,最後打多了幾次, 打斷了其中一粒骰仔的邊位,換上了新骰再打幾下,終於八粒燈懂得順序的亮起來...

上好骰去牆的插座,終於可以推番張書枱貼牆,同可以在書房上網了, 最好的結論係打骰仔真係如網上所言其實不算太難,不過就真係要有工具,只用一把小黃刀的話,對於新手來是難了一點!