煌府188 試菜宴

昨天女友打來告知留了位參加煌府188 開幕試菜宴, 所以一到6點鐘就準時離開公司,去坐970,用了約40分鐘去到西隧轉車站,之後就由那裏起,行了接近十五分鐘去到柯士甸站, 比較遠的路程....

試菜宴的地點正正就是我們訂了的A區,坐下來時發覺了一個問題,就是席與席之間是很近的,有一點背貼背的感覺...

開席前煌府的集團主席還走到每一席問大家有沒有他的咭片,作為一個集團主席如此親力親為,實在少有,也可見這個集團對貴客的尊重....

環境
入門的招侍處不錯,整個場的佈置也不錯,幾靚,係席與席之間的空間感有點迫,所以基本上有些位係侍應走不進來的,想去洗手間的也不方便,洗手間是用商場的,雖然係商場的洗手間,但係都算乾淨..
評分:4/5

食物
試菜的味道可以算是不過不失,有一點幾好食的,不過有一些可以有待改善,好似隻雞,唔知係咪因為中間搞左好耐表演及抽獎,所以當隻雞送上來時竟然只是暖的,而且也許是因為只是試菜的關係,隻雞的size 真係有點細...=.=, 可以講的是頭幾道菜比較好食,而且送上台都是熱的, 個蟹拑真係幾好食.....希望真係宴會時好的會keep 到,而可以改善的地方可以有所改善吧...
評分: 3/5

服務
整體來說不錯
評分:4/5

燈光及音響
這裏真係有要改善的地方,燈光ok,場地的燈光效果不錯,但係音響就係最大問題,首先支mic斷斷續續咁,一起支mic本身有問題,一起就係佢無線的接收點有問題,聽起上來有點吃力,而且佢地開頭也許喇叭開得太大聲,所有當佢開頭播片時有d尖叫位好刺耳..=.=, 不過由於係新開業,所以相信在開業後這些都會tune好的...
評分:3/5

由於事出突然,所以沒有帶相機,只能用手機影相,所以相的效果不是太好呢...

是日的菜單

整體來說,第一次係煌府食野算係不過不失la...感覺都算係唔錯的,所以我諗應該都冇選擇錯地點吧...