捐血救人

今日因為又到左要開始清假的日子,所以今日又係take AL的時間,不過今日的AL可不是hea著過,而係過得都很充實呢!!

今日先幫女友去尖沙咀攞野,之後就坐車去旺角,先買完漫畫就走到在旺角的捐血站

對上一次捐血是一個失敗的經驗,那已經是在中學時代的日子,不記是不是因為血管太細,所以好似試了好多次,搞到我隻手都瘀晒,最後都沒有成功地捐到,最後d瘀血仲要用左個幾星期先消失晒,所以只那之後就再沒有嘗試去捐血...

今日終於下定決心要再試一次,去到捐血站,先填好form,之後就同個護士對一對張form,我告訴了她之前的情況,佢一check 電腦,真係估唔到十年前失敗的佢地都有入到電腦,所以我都算有record, 不過個record 個名又係錯,真係唔知想點!!又係用左'hei',玩野咩!?不過可能十年前人手入錯野都唔出奇,所以佢就去copy 我的身分証再去申請改番個record.

之後就出去拮手指驗血,哇,那一刻現在compare 上來真係最痛law..仲痛過拮麻醉藥的一下,驗完之後就去量血壓了,一切正常後就問我要唔要用麻醉藥,由於有十年前的經驗我都係用麻醉藥吧la,之後拮麻醉藥的一下有少少痛,但之後再拮針入去時反而唔痛,而且捐血時都沒有什麼特別的感覺,使我回想起十年前,佢好似冇問我要唔要麻醉藥,拮針入去時好似有點痛,而且總是覺得有什麼是在頂住d肉感 =.=

最後,很順利捐了350ml, 點解捐咁少,因為護士話我飲唔夠水wor...得兩杯,我抽血都唔止抽你咁少la :p, 或者下一次我飲夠水再去吧,因為我發覺原來都好似唔係好痛吧!我諗以前都係因為十年前的經歷嚇怕了我吧!