世界盃狂熱!!

4年一度的世界盃仲有不到一個月就舉行了,南非和香港的時差都算ok,最少有不少的比賽都唔算係好夜播,希望到時不要太過網絡塞車就好了...

不過最近真係好多東西都同世界盃拉上關係,先有7仔的大口仔公仔,就連bossini 都出一些印有國家名的衫,不過這些衫又好似普通了一點,不夠佐丹奴那隻cheer you up X 國旗版,雖然那些公仔簡單一點,但簡單得來又很順眼!果然每種東西都在這4年一次的盛事,各商家果然都爭取機會發一筆財!

今年的世界盃我一向支持開的巴西,阿根廷同意大利,都各有原因使我不看好,阿根廷來說我覺得國米隊長同甘比仔都值得有一個位的,但馬生竟然一早就把他們放在不考慮之列,唉,雖然我也同樣喜歡大米同水深,不過沒有了隊長同甘比總是差一點了的!!

意大利差不多用回4年前的原班人馬,而且4年前他們要為了意大利球壇的羞聞而努力,今年好像沒有什麼目標,所以真係冇乜特別的期望!

巴西算是3個支持中最有機會的,但巴西往往俾人睇好的一年,佢就會領人跌眼鏡,反而不被好是就會有驚喜,所以真係好難講..

感覺上今年的冠軍對決會是西班牙vs英格蘭吧!!不過我都係亂咁估.. :)